AKAM

• [AN_393-1] kōṭu uyar piṟaṅkal kuṉṟu pala nīnti
• [AN_393-2] vēṟu pulam paṭarnta viṉai taral uḷḷattu
• [AN_393-3] āṟu cel vampalar kāy paci tīriya
• [AN_393-4] mutai cuval kalitta īr ilai neṭum tōṭṭu
• [AN_393-5] kavai katir varakiṉ kāl toku poṅkaḻi
• [AN_393-6] kavaṭṭu aṭi poruta pal ciṉai utirvai
• [AN_393-7] akal kaṇ pāṟai ce vayiṉ teṟīi
• [AN_393-8] vari aṇi paṇai tōḷ vār cevi taṉṉaiyar
• [AN_393-9] paṇṇai veḷ paḻattu arici ēyppa
• [AN_393-10] cuḻal maram colitta cuḷaku alai veḷ kāḻ
• [AN_393-11] toṭi māṇ ulakkai ūḻiṉ pōkki
• [AN_393-12] ural mukam kāṭṭiya curai niṟai koḷḷai
• [AN_393-13] āṅkaṇ irum cuṉai nīroṭu mukavā
• [AN_393-14] kaḷi paṭu kuḻici kal aṭuppu ēṟṟi
• [AN_393-15] iṇar tatai kaṭukkai īṇṭiya tātiṉ
• [AN_393-16] kuṭavar puḻukkiya poṅku aviḻ puṉkam
• [AN_393-17] matarvai nal āṉ pāloṭu pakukkum
• [AN_393-18] nirai pala kuḻīiya neṭumoḻi pulli
• [AN_393-19] tēṉ tūṅku uyar varai nal nāṭṭu umpar
• [AN_393-20] vēṅkaṭam iṟantaṉar āyiṉum āṇṭu avar
• [AN_393-21] nīṭalar vāḻi tōḻi tōṭu koḷ
• [AN_393-22] uru keḻu maññai oli cīr ēyppa
• [AN_393-23] takaram maṇṇiya taṇ naṟu mucci
• [AN_393-24] pukar il kuvaḷai pōtoṭu teri itaḻ
• [AN_393-25] vēṉil atiral vēynta niṉ
• [AN_393-26] ēmuṟu puṇarcci iṉ tuyil maṟantu ē