AKAM

• [AN_388-1] amma vāḻi tōḻi nam malai
• [AN_388-2] amai aṟuttu iyaṟṟiya ve vāy taṭṭaiyiṉ
• [AN_388-3] naṟu virai āram aṟa eṟintu uḻuta
• [AN_388-4] uḷai kural ciṟu tiṉai kavartaliṉ kiḷai amal
• [AN_388-5] peru varai aṭukkattu kurīi ōppi
• [AN_388-6] ōṅku irum cilampiṉ oḷ iṇar naṟu vī
• [AN_388-7] vēṅkai am kavaṭṭu iṭai nivanta itaṇattu
• [AN_388-8] poṉ maruḷ naṟum tātu ūtum tumpi
• [AN_388-9] iṉ icai ōrā iruntaṉam āka
• [AN_388-10] mai īr ōti maṭa nallīr ē
• [AN_388-11] novvu iyal pakaḻi pāynteṉa puṇ kūrntu
• [AN_388-12] evvamoṭu vanta uyar maruppu oruttal num
• [AN_388-13] puṉattu uḻi pōkal uṟum ō maṟṟu eṉa
• [AN_388-14] ciṉavu koḷ ñamali ceyirttu puṭai āṭa
• [AN_388-15] colli kaḻinta val vil kāḷai
• [AN_388-16] cāntu ār akalam um takai um mika nayantu
• [AN_388-17] īṅku nām uḻakkum evvam uṇarāḷ
• [AN_388-18] naṉṉar neñcamoṭu mayaṅki veṟi eṉa
• [AN_388-19] aṉṉai tanta mutu vāy vēlaṉ
• [AN_388-20] em iṟai aṇaṅkaliṉ vantaṉṟu i nōy
• [AN_388-21] taṇi maruntu aṟival eṉṉum āyiṉ
• [AN_388-22] viṉaviṉ evaṉ ō maṟṟu ē kaṉal ciṉa
• [AN_388-23] maiyal vēḻa mey uḷam pōka
• [AN_388-24] ūṭṭi aṉṉa ūṉ puraḷ ampoṭu
• [AN_388-25] kāṭṭu māṉ aṭi vaḻi oṟṟi
• [AN_388-26] vēṭṭam cellum ō num iṟai eṉa ē