AKAM

• [AN_369-1] kaṇṭiciṉ makaḷ ē keḻīi iyaiveṉai
• [AN_369-2] oḷ toṭi ceṟitta muṉkai ūḻ koḷpu
• [AN_369-3] maṅkaiyar pala pārāṭṭa ce tār
• [AN_369-4] kiḷḷai um tīm pāl uṇṇā mayil iyal
• [AN_369-5] cē iḻai makaḷir āyam um ayarā
• [AN_369-6] tāḻi um malar pala aṇiyā kēḻ koḷa
• [AN_369-7] kāḻ puṉaintu iyaṟṟiya vaṉappu amai nōṉ cuvar
• [AN_369-8] pāvai um pali eṉa peṟā_a nōy pora
• [AN_369-9] ivai kaṇṭu iṉaivataṉ talai um niṉaivu ilēṉ
• [AN_369-10] koṭiyōḷ muṉṉiyatu uṇarēṉ toṭiyōy
• [AN_369-11] iṉṟu niṉ oli kural maṇṇal eṉṟataṟku
• [AN_369-12] eṉ pulantu aḻintaṉaḷ āki taṉ taka
• [AN_369-13] kaṭal am tāṉai kai vaṇ cōḻar
• [AN_369-14] keṭal aru nal icai uṟantai aṉṉa
• [AN_369-15] niti uṭai nal nakar putuvatu puṉaintu
• [AN_369-16] tamar maṇaṉ ayara um ollāḷ kavar mutal
• [AN_369-17] ōmai nīṭiya ulavai nīḷ iṭai
• [AN_369-18] maṇi aṇi palakai mā kāḻ neṭu vēl
• [AN_369-19] tuṇivu uṭai uḷḷamoṭu tutainta muṉpiṉ
• [AN_369-20] aṟiyā tēettu arum curam maṭutta
• [AN_369-21] ciṟiyōṟku otta eṉ peru maṭa takuvi
• [AN_369-22] ciṟappu um cīr um iṉṟi cīṟūr
• [AN_369-23] nalkūr peṇṭiṉ pul vēy kurampai
• [AN_369-24] ōr ā yātta oru tūṇ muṉṟil
• [AN_369-25] ētil vaṟu maṉai cilampu uṭaṉ kaḻīi
• [AN_369-26] mēyiṉaḷ kol eṉa nōval yāṉ ē