AKAM

• [AN_336-1] kuḻal kāl cēmpiṉ koḻu maṭal akal ilai
• [AN_336-2] pāci parappil paṟaḻoṭu vatinta
• [AN_336-3] uṇṇā piṇaviṉ uyakkam coliya
• [AN_336-4] nāḷ irai tarīiya eḻunta nīr nāy
• [AN_336-5] vāḷaiyoṭu uḻappa tuṟai kaluḻntamaiyiṉ
• [AN_336-6] teḷ kaḷ tēṟal mānti makaḷir
• [AN_336-7] nuṇ ceyal am kuṭam irīi paṇpiṉ
• [AN_336-8] makiḻnaṉ parattaimai pāṭi aviḻ iṇar
• [AN_336-9] kāñci nīḻal kuravai ayarum
• [AN_336-10] tīm perum poykai tuṟai kēḻ ūraṉ
• [AN_336-11] tēr tara vanta nēr iḻai makaḷir
• [AN_336-12] ēcupa eṉpa eṉ nalaṉ ē atu ē
• [AN_336-13] pākaṉ neṭitu uyir vāḻtal kāy ciṉa
• [AN_336-14] kol kaḷiṟṟu yāṉai nalkal māṟu ē
• [AN_336-15] tām um piṟar um uḷar pōl cēṟal
• [AN_336-16] muḻavu imiḻ tuṇaṅkai tūṅkum viḻaviṉ
• [AN_336-17] yāṉ avaṇ vārā māṟu ē variṉ ē vāṉ iṭai
• [AN_336-18] cuṭaroṭu tiritarum neruñci pōla
• [AN_336-19] eṉṉoṭu tiriyāṉ āyiṉ veṉ vēl
• [AN_336-20] māri ampiṉ maḻai tōl cōḻar
• [AN_336-21] vil īṇṭu kuṟumpiṉ vallattu puṟa miḷai
• [AN_336-22] āriyar paṭaiyiṉ uṭaika eṉ
• [AN_336-23] nēr iṟai muṉkai vīṅkiya vaḷai ē