AKAM

• [AN_314-1] nīlattu aṉṉa nīr poti karuviṉ
• [AN_314-2] mā vicumpu atira muḻaṅki āliyiṉ
• [AN_314-3] nilam taṇṇeṉṟu kāṉam kuḻaippa
• [AN_314-4] iṉam tēr uḻavar iṉ kural iyampa
• [AN_314-5] maṟi uṭai maṭa piṇai taḻīi puṟaviṉ
• [AN_314-6] tiri maruppu iralai paim payir ukaḷa
• [AN_314-7] ār peyal utaviya kār cey kālai
• [AN_314-8] nūl neṟi nuṇaṅkiya kāl navil puravi
• [AN_314-9] kalleṉa kaṟaṅku maṇi iyampa vallōṉ
• [AN_314-10] vā cela vaṇakkiya tā pari neṭum tēr
• [AN_314-11] īrm puṟavu iyaṅku vaḻi aṟuppa tīm toṭai
• [AN_314-12] paiyuḷ nal yāḻ cevvaḻi piṟappa
• [AN_314-13] i nilai vārār āyiṉ tam nilai
• [AN_314-14] evaṉ kol pāṇa uraitticiṉ ciṟitu eṉa
• [AN_314-15] kaṭavuḷ kaṟpiṉ maṭavōḷ kūṟa
• [AN_314-16] cey viṉai aḻinta maiyal neñciṉ
• [AN_314-17] tuṉi koḷ paruvaral tīra vantōy
• [AN_314-18] iṉitu ceytaṉai āl vāḻka niṉ kaṇṇi
• [AN_314-19] vēli cuṟṟiya vāl vī mullai
• [AN_314-20] perum tār kamaḻum viruntu oli katuppiṉ
• [AN_314-21] iṉ nakai iḷaiyōḷ kavava
• [AN_314-22] maṉṉuka peruma niṉ malarnta mārpu ē