AKAM

• [AN_291-1] vāṉam peyal vaḷam karappa kāṉam
• [AN_291-2] ulaṟi ilai ila āka pala uṭaṉ
• [AN_291-3] ēṟu uṭai āyattu iṉam paci teṟuppa
• [AN_291-4] kayaṉ aṟa vaṟanta kōṭaiyoṭu nayaṉ aṟa
• [AN_291-5] peru varai nivanta maruṅkil koṭu vari
• [AN_291-6] puliyoṭu porutu ciṉam ciṟantu valiyōṭu
• [AN_291-7] uravu kaḷiṟu otuṅkiya maruṅkil parūu paral
• [AN_291-8] ciṟu pal miṉmiṉi kaṭuppa e vāy um
• [AN_291-9] niṟaivaṉa imaikkum nirampā nīḷ iṭai
• [AN_291-10] eruvai irum ciṟai irīiya viri iṇar
• [AN_291-11] tātu uṇ tumpi mural icai kaṭuppa
• [AN_291-12] pariyiṉatu uyirkkum ampiṉar veruvara
• [AN_291-13] uvalai cūṭiya talaiyar kavalai
• [AN_291-14] ārttu uṭaṉ arum poruḷ vavvaliṉ yāvatu um
• [AN_291-15] cāttu iṭai vaḻaṅkā cēṇ cimai atara
• [AN_291-16] ciṟu ilai nelli tīm cuvai tiraḷ kāy
• [AN_291-17] utirvaṉa tā_am attam tavirvu iṉṟu
• [AN_291-18] puḷḷi am piṇai uṇīiya uḷḷi
• [AN_291-19] aṟu maruppu oḻitta talaiya tōl poti
• [AN_291-20] maṟu maruppu iḷam kōṭu atira kūum
• [AN_291-21] cuṭar teṟa varuntiya arum curam iṟantu āṅku
• [AN_291-22] uḷḷiṉai vāḻiya neñcu ē pōtu eṉa
• [AN_291-23] pulam kamaḻ nāṟṟattu irum pal kūntal
• [AN_291-24] nal eḻil maḻai kaṇ nam kātali
• [AN_291-25] mel iṟai paṇai tōḷ viḷaṅkum māṇ kaviṉ ē