AKAM

• [AN_289-1] cilai ēṟaṭṭa kaṇai vīḻ vampalar
• [AN_289-2] uyar patukku ivarnta tatar koṭi atiral
• [AN_289-3] neṭu nilai naṭukal nāḷ pali kūṭṭum
• [AN_289-4] curaṉ iṭai vilaṅkiya maraṉ ōṅku iyaviṉ
• [AN_289-5] vantu viṉai valitta nam vayiṉ eṉṟum
• [AN_289-6] terumaral uḷḷamoṭu varuntal āṉātu
• [AN_289-7] nekiḻā mel piṇi vīṅkiya kai ciṟitu
• [AN_289-8] āviḻiṉum uyavum āy maṭa takuvi
• [AN_289-9] cēṇ uṟai pulampiṉ nāḷ muṟai iḻaitta
• [AN_289-10] tiṇ cuvar nōkki niṉaintu kaṇ paṉi
• [AN_289-11] nekiḻ nūl muttiṉ mukiḻ mulai teṟippa
• [AN_289-12] mai aṟa virinta paṭai amai cēkkai
• [AN_289-13] ai mel tūvi aṇai cērpu acai_i
• [AN_289-14] maiyal koṇṭa mataṉ aḻi irukkaiyaḷ
• [AN_289-15] paku vāy palli paṭutoṟum paravi
• [AN_289-16] nalla kūṟu eṉa naṭuṅki
• [AN_289-17] pulleṉ mālaiyoṭu porum kol tāṉ ē