AKAM

• [AN_251-1] tūtu um ceṉṟaṉa tōḷ um ceṟṟum
• [AN_251-2] ōti oḷ nutal pacalai um māyum
• [AN_251-3] vīṅku iḻai nekiḻa cā_ay cellaloṭu
• [AN_251-4] nām paṭar kūrum arum tuyar kēṭpiṉ
• [AN_251-5] nantaṉ veṟukkai eytiṉum maṟṟu avaṇ
• [AN_251-6] taṅkalar vāḻi tōḻi vel koṭi
• [AN_251-7] tuṉai kāl aṉṉa puṉai tēr kōcar
• [AN_251-8] tol mūtu ālattu arum paṇai potiyil
• [AN_251-9] iṉ icai muracam kaṭippu ikuttu iraṅka
• [AN_251-10] tem muṉai citaitta ñāṉṟai mōkūr
• [AN_251-11] paṇiyāmaiyiṉ pakai talaivanta
• [AN_251-12] mā keḻu tāṉai vampa mōriyar
• [AN_251-13] puṉai tēr nēmi uruḷiya kuṟaitta
• [AN_251-14] ilaṅku veḷ aruviya aṟai vāy umpar
• [AN_251-15] mācu il veḷ kōṭṭu aṇṇal yāṉai
• [AN_251-16] vāy uḷ tappiya arum kēḻ vaya puli
• [AN_251-17] mā nilam neḷiya kutti pukaloṭu
• [AN_251-18] kāppu ila vaikum tēkku amal cōlai
• [AN_251-19] nirampā nīḷ iṭai pōki
• [AN_251-20] aram pōḻ a vaḷai nilai nekiḻttōr ē