AKAM

• [AN_227-1] nutal pacantaṉṟu ē tōḷ cāyiṉa ē
• [AN_227-2] titalai alkul vari um vāṭiṉa
• [AN_227-3] eṉ ākuvaḷ kol ivaḷ eṉa pal māṇ
• [AN_227-4] nīr mali kaṇṇoṭu neṭitu niṉaintu oṟṟi
• [AN_227-5] iṉaiyal vāḻi tōḻi naṉai kavuḷ
• [AN_227-6] kāy ciṉam ciṟanta vāy puku kaṭāttoṭu
• [AN_227-7] muṉṉilai poṟā_atu muraṇi poṉ iṇar
• [AN_227-8] puli kēḻ vēṅkai pū ciṉai pulampa
• [AN_227-9] mutal pāyntiṭṭa muḻu vali oruttal
• [AN_227-10] ce nila paṭu nīṟu āṭi ceru malaintu
• [AN_227-11] kaḷam koḷ maḷḷariṉ muḻaṅkum attam
• [AN_227-12] pala iṟantu akaṉṟaṉar āyiṉum nilai_i
• [AN_227-13] nōy ilar āka nam kātalar vāy vāḷ
• [AN_227-14] tamiḻ akappaṭutta imiḻ icai muraciṉ
• [AN_227-15] varunar varaiyā peru nāḷ irukkai
• [AN_227-16] tūṅkal pāṭiya ōṅku peru nal icai
• [AN_227-17] piṭi miti vaḻutuṇai perum peyar taḻumpaṉ
• [AN_227-18] kaṭi matil varaippiṉ ūṇūr umpar
• [AN_227-19] viḻu niti tuñcum vīṟu peṟu tiru nakar
• [AN_227-20] irum kaḻi paṭappai maruṅkūr paṭṭiṉattu
• [AN_227-21] el umiḻ āvaṇattu aṉṉa
• [AN_227-22] kalleṉ kampalai ceytu akaṉṟōr ē