AKAM

• [AN_154-1] paṭu maḻai poḻinta payam miku puṟaviṉ
• [AN_154-2] neṭu nīr avala paku vāy tērai
• [AN_154-3] ciṟu pal iyattiṉ neṭu neṟi kaṟaṅka
• [AN_154-4] kuṟum putal piṭaviṉ neṭum kāl alari
• [AN_154-5] ce nila maruṅkiṉ nuṇ ayir varippa
• [AN_154-6] ve ciṉa araviṉ pai aṇantaṉṉa
• [AN_154-7] taṇ kamaḻ kōṭal tātu piṇi aviḻa
• [AN_154-8] tiri maruppu iralai teḷ aṟal paruki
• [AN_154-9] kāmar tuṇaiyoṭu ēmuṟa vatiya
• [AN_154-10] kāṭu kaviṉ peṟṟa taṇ pata peru vaḻi
• [AN_154-11] ōṭu pari meliyā koy cuval puravi
• [AN_154-12] tāḷ tāḻ tār maṇi tayaṅkupu iyampa
• [AN_154-13] ūrmati valava tēr ē cīr mikupu
• [AN_154-14] nam vayiṉ purinta koḷkai
• [AN_154-15] am mā arivaiyai tuṉṉukam viraintu ē