AKAM

• [AN_113-1] naṉṟu al kālai um naṭpiṉ kōṭār
• [AN_113-2] ceṉṟu vaḻippaṭūum tiripu il cūḻcciyiṉ
• [AN_113-3] puṉ talai maṭa piṭi akavunar perumakaṉ
• [AN_113-4] mā vīcu vaṇ makiḻ aḵtai pōṟṟi
• [AN_113-5] kāppu kainniṟutta pal vēl kōcar
• [AN_113-6] iḷam kaḷ kamaḻum neytal am ceṟuviṉ
• [AN_113-7] vaḷam keḻu nal nāṭu aṉṉa eṉ tōḷ maṇantu
• [AN_113-8] aḻuṅkal mūtūr alar eṭuttu araṟṟa
• [AN_113-9] nalkātu tuṟanta kātalar eṉṟum
• [AN_113-10] kal porūu meliyā paraṭṭiṉ nōṉ aṭi
• [AN_113-11] akal cūl am curai peyta valciyar
• [AN_113-12] ikantaṉar āyiṉum iṭam pārttu pakaivar
• [AN_113-13] ōmpiṉar uṟaiyum kūḻ keḻu kuṟumpil
• [AN_113-14] kuvai imil viṭaiya vēṟṟu ā oyyum
• [AN_113-15] kaṉai irum curuṇai kaṉi kāḻ neṭu vēl
• [AN_113-16] viḻavu ayarntaṉṉa koḻum pal tiṟṟi
• [AN_113-17] eḻā_a pāṇaṉ nal nāṭṭu umpar
• [AN_113-18] neṟi cel vampalar koṉṟa tevvar
• [AN_113-19] eṟi paṭai kaḻīiya cē ari cil nīr
• [AN_113-20] aṟu tuṟai ayir maṇal paṭu karai pōki
• [AN_113-21] cēyar eṉṟaliṉ ciṟumai uṟṟa eṉ
• [AN_113-22] kaiyaṟu neñcattu evvam nīṅka
• [AN_113-23] aḻā_am uṟaital um uriyam parārai
• [AN_113-24] alaṅkal am ciṉai kuṭampai pulleṉa
• [AN_113-25] pulam peyar maruṅkil puḷ eḻuntu āṅku
• [AN_113-26] mey ivaṇ oḻiya pōki avar
• [AN_113-27] cey viṉai maruṅkil celīiyar eṉ uyir ē