AKAM

• [AN_107-1] nī celavu ayar kēṭṭoṟum pala niṉaintu
• [AN_107-2] aṉpiṉ neñcattu ayā_a poṟai melinta
• [AN_107-3] eṉ akattu iṭumpai kaḷaimār niṉṉoṭu
• [AN_107-4] karum kal viyal aṟai kiṭappi vayiṟu tiṉṟu
• [AN_107-5] irum puli tuṟanta ēṟṟu māṉ uṇaṅkal
• [AN_107-6] neṟi cel vampalar uvantaṉar āṅkaṇ
• [AN_107-7] oli kaḻai nelliṉ ariciyoṭu ōrāṅku
• [AN_107-8] āṉ nilai paḷḷi aḷai peytu aṭṭa
• [AN_107-9] vāl niṇam urukkiya vā_al veḷ cōṟu
• [AN_107-10] pukar arai tēkkiṉ akal ilai māntum
• [AN_107-11] kallā nīḷ moḻi kata nāy vaṭukar
• [AN_107-12] val āṇ aru muṉai nīnti allāntu
• [AN_107-13] uku maṇ ūṟu añcum oru kāl paṭṭattu
• [AN_107-14] iṉṉā ēṟṟattu iḻukki muṭam kūrntu
• [AN_107-15] oru taṉittu oḻinta uraṉ uṭai nōṉ pakaṭu
• [AN_107-16] am kuḻai iruppai aṟai vāy vāṉ puḻal
• [AN_107-17] pul uḷai ciṟā_ar villiṉ nīkki
• [AN_107-18] marai kaṭintu ūṭṭum varai aka cīṟūr
• [AN_107-19] mālai iṉ tuṇai āki kālai
• [AN_107-20] pacu naṉai naṟu vī parūu paral uṟaippa
• [AN_107-21] maṇa maṉai kamaḻum kāṉam
• [AN_107-22] tuṇai īr ōti eṉ tōḻi um varum ē