AKAM

• [AN_89-1] teṟu katir ñāyiṟu naṭu niṉṟu kāytaliṉ
• [AN_89-2] uṟu peyal vaṟanta ōṭu tēr naṉam talai
• [AN_89-3] uruttu eḻu kurala kuṭiñai cēval
• [AN_89-4] pul cāy viṭar akam pulampa varaiya
• [AN_89-5] kal eṟi icaiyiṉ iraṭṭum āṅkaṇ
• [AN_89-6] ciḷvīṭu kaṟaṅkum ciṟu ilai vēlattu
• [AN_89-7] ūḻuṟu viḷai neṟṟu utira kāḻiyar
• [AN_89-8] kavvai parappiṉ ve uvarppu oḻiya
• [AN_89-9] kaḷari paranta kal neṭu maruṅkiṉ
• [AN_89-10] viḷar ūṉ tiṉṟa vīṅku cilai maṟavar
• [AN_89-11] mai paṭu tiṇ tōḷ malira vāṭṭi
• [AN_89-12] poṟai mali kaḻutai neṭu nirai taḻīiya
• [AN_89-13] tiruntu vāḷ vayavar arum talai tumitta
• [AN_89-14] paṭu pulā kamaḻum ñāṭpil tuṭi ikuttu
• [AN_89-15] arum kalam teṟutta perum pukal valattar
• [AN_89-16] vil keḻu kuṟumpil kōḷ muṟai pakukkum
• [AN_89-17] kollai irum puṉam neṭiya eṉṉātu
• [AN_89-18] melleṉ cē aṭi meliya ēka
• [AN_89-19] vallunaḷ kol ō tāṉ ē tēm peytu
• [AN_89-20] aḷavuṟu tīm pāl alaippa um uṇṇāḷ
• [AN_89-21] iṭu maṇal pantar uḷ iyalum
• [AN_89-22] neṭu mel paṇai tōḷ mā_ayōḷ ē