AKAM

• [AN_81-1] nāḷ ulā eḻunta kōḷ val uḷiyam
• [AN_81-2] ōṅku ciṉai iruppai tīm paḻam muṉaiyiṉ
• [AN_81-3] pul aḷai puṟṟiṉ pal kiḷai citalai
• [AN_81-4] oruṅku muyaṉṟu eṭutta naṉai vāy neṭum kōṭu
• [AN_81-5] irumpu ūtu kurukiṉ iṭantu irai tērum
• [AN_81-6] maṇ paka vaṟanta āṅkaṇ kaṇ pora
• [AN_81-7] katir teṟa kaviḻnta ulaṟu talai nōṉ ciṉai
• [AN_81-8] neṟi ayal marā_am ēṟi pulampu koḷa
• [AN_81-9] eṟi paruntu uyavum eṉṟūḻ nīḷ iṭai
• [AN_81-10] ve muṉai arum curam nīnti ciṟanta
• [AN_81-11] cemmal uḷḷam turattaliṉ kaṟuttōr
• [AN_81-12] oḷiṟu vēl aḻuvam kaḷiṟu paṭa kaṭakkum
• [AN_81-13] mā vaṇ kaṭalaṉ viḷaṅkil aṉṉa em
• [AN_81-14] mai eḻil uṇ kaṇ kaluḻa
• [AN_81-15] aiya cēṟir ō akaṉṟu cey poruṭku ē