AKAM

• [AN_78-1] naṉam talai kāṉattu āḷi añci
• [AN_78-2] iṉam talaittarūum eṟuḻ kiḷar muṉpiṉ
• [AN_78-3] vari ñimiṟu ārkkum vāy puku kaṭāttu
• [AN_78-4] poṟi nutal polinta vaya kaḷiṟṟu oruttal
• [AN_78-5] irum piṇar taṭa kaiyiṉ ēmuṟa taḻuva
• [AN_78-6] kaṭum cūl maṭa piṭi naṭuṅkum cāral
• [AN_78-7] tēm piḻi naṟaviṉ kuṟavar muṉṟil
• [AN_78-8] muntūḻ āy malar utira kāntaḷ
• [AN_78-9] nīṭu itaḻ neṭum tuṭuppu ociya taṇṇeṉa
• [AN_78-10] vāṭai tūkkum varu paṉi aṟciram
• [AN_78-11] nam il pulampiṉ tam ūr tamiyar
• [AN_78-12] eṉ ākuvar kol aḷiyar tām eṉa
• [AN_78-13] em viṭṭu akaṉṟa cil nāḷ ciṟitu um
• [AN_78-14] uḷḷi um aṟitir ō ōṅku malai nāṭa
• [AN_78-15] ulaku uṭaṉ tiritarum palar pukaḻ nal icai
• [AN_78-16] vāymoḻi kapilaṉ cūḻa cēy niṉṟu
• [AN_78-17] ceḻum ceym nelliṉ viḷai katir koṇṭu
• [AN_78-18] taṭam tāḷ āmpal malaroṭu kūṭṭi
• [AN_78-19] yāṇṭu pala kaḻiya vēṇṭu vayiṉ piḻaiyātu
• [AN_78-20] āḷ iṭūu kaṭantu vāḷ amar uḻakki
• [AN_78-21] ēntu kōṭṭu yāṉai vēntar ōṭṭiya
• [AN_78-22] kaṭum pari puravi kai vaṇ pāri
• [AN_78-23] tīm perum paim cuṉai pūtta
• [AN_78-24] tēm kamaḻ putu malar nāṟum ivaḷ nutal ē