AKAM

• [AN_65-1] uṉṉam koḷkaiyoṭu uḷam karantu uṟaiyum
• [AN_65-2] aṉṉai col um uykam eṉṉatūum
• [AN_65-3] īram cērā iyalpiṉ poym moḻi
• [AN_65-4] cēri am peṇṭir kauvai um oḻikam
• [AN_65-5] nāṭu kaṇ akaṟṟiya utiyañcēral
• [AN_65-6] pāṭi ceṉṟa paricilar pōla
• [AN_65-7] uva iṉi vāḻi tōḻi avar ē
• [AN_65-8] pommal ōti nammoṭu orāṅku
• [AN_65-9] celavu ayarntaṉar āl iṉṟu ē malai toṟum
• [AN_65-10] māl kaḻai picainta kāl vāy kūr eri
• [AN_65-11] mīṉ koḷ paratavar koṭum timil naḷi cuṭar
• [AN_65-12] vāṉ tōy puṇari micai kaṇṭāṅku
• [AN_65-13] mēvara tōṉṟum yā_a uyar naṉam talai
• [AN_65-14] uyaval yāṉai verinu ceṉṟu aṉṉa
• [AN_65-15] kal ūrpu iḻitarum pul cāy ciṟu neṟi
• [AN_65-16] kāṭu mīkkūṟum kōṭu ēntu oruttal
• [AN_65-17] āṟu kaṭi koḷḷum arum curam paṇai tōḷ
• [AN_65-18] nāṟu aiṅkūntal kommai vari mulai
• [AN_65-19] nirai itaḻ uṇ kaṇ makaḷirkku
• [AN_65-20] ariya āl eṉa aḻuṅkiya celavu ē