AKAM

• [AN_59-1] taṇ kayattu amaṉṟa vaṇṭu paṭu tuṇai malar
• [AN_59-2] peruntakai iḻanta kaṇṇiṉai peritu um
• [AN_59-3] varuntiṉai vāḻiyar nī ē vaṭā_atu
• [AN_59-4] vaṇ puṉal toḻunai vār maṇal akal tuṟai
• [AN_59-5] aṇṭar makaḷir taṇ taḻai uṭīiyar
• [AN_59-6] maram cela mititta mā_al pōla
• [AN_59-7] puṉ talai maṭa piṭi uṇīiyar am kuḻai
• [AN_59-8] neṭu nilai yā_am oṟṟi naṉai kavuḷ
• [AN_59-9] paṭi ñimiṟu kaṭiyum kaḷiṟu ē tōḻi
• [AN_59-10] cūr maruṅku aṟutta cuṭar ilai neṭu vēl
• [AN_59-11] ciṉam miku murukaṉ taṇ paraṅkuṉṟattu
• [AN_59-12] antuvaṉ pāṭiya cantu keḻu neṭu varai
• [AN_59-13] iṉ tīm paim cuṉai īr aṇi polinta
• [AN_59-14] taṇ naṟum kaḻunīr ceṇ iyal ciṟupuṟam
• [AN_59-15] tām pārāṭṭiya kālai um uḷḷār
• [AN_59-16] vīṅku iṟai paṇai tōḷ nekiḻa cēy nāṭṭu
• [AN_59-17] arum ceyal poruḷ piṇi muṉṉi nam
• [AN_59-18] pirintu cēṇ uṟainar ceṉṟa āṟu ē