AKAM 041

• [AN_41-1] vaiku pular viṭiyal mai pulam parappa
• [AN_41-2] karu naṉai aviḻnta ūḻuṟu murukkiṉ
• [AN_41-3] eri maruḷ pūm ciṉai iṉa citar ārppa
• [AN_41-4] neṭu nel aṭaicciya kaḻaṉi ēr pukuttu
• [AN_41-5] kuṭumi kaṭṭiya paṭappaiyoṭu miḷira
• [AN_41-6] ari kāl pōḻnta teri pakaṭṭu uḻavar
• [AN_41-7] ōtai teḷ viḷi pulam toṟum parappa
• [AN_41-8] kōḻ iṇar etiriya maratta kaviṉi
• [AN_41-9] kāṭu aṇi koṇṭa kāṇtaku poḻutil
• [AN_41-10] nām piri pulampiṉ nalam cela cā_ay
• [AN_41-11] nam piripu aṟiyā nalaṉoṭu ciṟanta
• [AN_41-12] nal tōḷ nekiḻa varuntiṉaḷ kol ō
• [AN_41-13] mel ciṟai vaṇṭiṉ taṇ kamaḻ pū tuṇar
• [AN_41-14] tātu iṉ tuvalai taḷir vārntaṉṉa
• [AN_41-15] am kaluḻ māmai kiḷai_iya
• [AN_41-16] nuṇ pal titti mā_ayōḷ ē