AKAM 039

• [AN_39-1] oḻittatu paḻitta neñcamoṭu vaḻi paṭarntu
• [AN_39-2] uḷḷi um aṟitir ō em eṉa yāḻa niṉ
• [AN_39-3] muḷ eyiṟṟu tuvar vāy muṟuval aḻuṅka
• [AN_39-4] nōy muntuṟuttu notumal moḻiyal niṉ
• [AN_39-5] āy nalam maṟappeṉ ō maṟṟu ē cēṇ ikantu
• [AN_39-6] oli kaḻai picainta ñeli cori oḷ poṟi
• [AN_39-7] paṭu ñemal putaiya potti neṭu nilai
• [AN_39-8] muḷi pul mīmicai vaḷi cuḻaṟṟuṟā_a
• [AN_39-9] kāṭu kavar perum tī ōṭu vayiṉ ōṭaliṉ
• [AN_39-10] atar keṭuttu alaṟiya cāttoṭu orāṅku
• [AN_39-11] matar puli verīiya maiyal vēḻattu
• [AN_39-12] iṉam talai mayaṅkiya naṉam talai perum kāṭṭu
• [AN_39-13] ñāṉṟu tōṉṟu avir cuṭar māṉṟu āl paṭṭeṉa
• [AN_39-14] kaḷ paṭar ōti niṉ paṭarntu uḷḷi
• [AN_39-15] arum celavu āṟṟā ār iṭai ñerēreṉa
• [AN_39-16] parantu paṭu pāyal navvi paṭṭeṉa
• [AN_39-17] ilaṅku vaḷai ceṟiyā ikutta nōkkamoṭu
• [AN_39-18] nilam kiḷai niṉaiviṉai niṉṟa niṉ kaṇṭu
• [AN_39-19] iṉ nakai iṉaiyam āka um em vayiṉ
• [AN_39-20] ūṭal yāṅku vantaṉṟu eṉa yāḻa niṉ
• [AN_39-21] kōṭu ēntu puruvamoṭu kuvavu nutal nīvi
• [AN_39-22] naṟum katuppu uḷariya naṉṉar amaiyattu
• [AN_39-23] vaṟum kai kāṭṭiya vāy al kaṉaviṉ
• [AN_39-24] ēṟṟu ēkkaṟṟa ulamaral
• [AN_39-25] pōṟṟāy ākaliṉ pulatti āl em ē