AKAM 009

• [AN_9-1] kol viṉai+ polinta, kūrm^ kuṟum puḻukiṉ,
• [AN_9-2] villōr tūṇi vīṅka+ peyta
• [AN_9-3] appu nuṉai ēyppa arumpiya iruppai,
• [AN_9-4] ceppu aṭar aṉṉa cem^ kuḻai akam-tōṟu,
• [AN_9-5] iḻutiṉ aṉṉa tīm puḻal tuy-vāy
• [AN_9-6] uḻutu kāṇ tuḷaiya āki, ār kaḻalpu,
• [AN_9-7] āli vāṉiṉ kāloṭu pāṟi,
• [AN_9-8] tuppiṉ aṉṉa cem^ kōṭṭu iyaviṉ,
• [AN_9-9] neyttōr mīmicai niṇattiṉ parikkum
• [AN_9-10] attam naṇṇiya am kuṭi cīṟūr --
• [AN_9-11] koṭu nuṇ ōti makaḷir ōkkiya
• [AN_9-12] toṭi māṇ ulakkai+ tūṇṭu ural pāṇi,
• [AN_9-13] neṭu māl varaiya kuṭiñaiyōṭu iraṭṭum
• [AN_9-14] kuṉṟu piṉ oḻiya+ pōki, uram turantu,
• [AN_9-15] ñāyiṟu paṭiṉum, `ūr cēyttu' eṉātu
• [AN_9-16] tuṉai pari turakkum tuñcā+ celaviṉ
• [AN_9-17] emmiṉum, viraintu val eyti, pal māṇ
• [AN_9-18] ōṅkiya nal il oru ciṟai nilai_i,
• [AN_9-19] pāṅkar+ palli paṭu-toṟum paravi,
• [AN_9-20] kaṉṟu puku mālai niṉṟōḷ eyti,
• [AN_9-21] kai kaviyā+ ceṉṟu, kaṇ putaiyā+ kuṟuki,
• [AN_9-22] piṭi+ kai aṉṉa piṉṉakam tīṇṭi,
• [AN_9-23] toṭi+ kai taivara+ tōyntaṉṟu kol= -ō --
• [AN_9-24] nāṇoṭu miṭainta kaṟpiṉ, vāḷ nutal,
• [AN_9-25] am tīm kiḷavi+ kuṟu-makaḷ
• [AN_9-26] mel tōḷ peṟa nacai_i+ ceṉṟa eṉ neñcu* -ē?