AKAM 008

• [AN_8-1] īyal+ puṟṟattu īrm puṟattu iṟutta
• [AN_8-2] kurumpi valci+ perum^ kai ēṟṟai
• [AN_8-3] tūṅku tōl tutiya vaḷ ukir katuvaliṉ,
• [AN_8-4] pāmpu mataṉ aḻiyum pāṉāḷ+ kaṅkul -um,
• [AN_8-5] ariya alla-maṉ -- ikuḷai! `periya
• [AN_8-6] kēḻal aṭṭa pēḻ-vāy ēṟṟai
• [AN_8-7] palā amal aṭukkam pulāva īrkkum
• [AN_8-8] kaḻai naral cilampiṉ āṅkaṇ, vaḻaiyoṭu
• [AN_8-9] vāḻai ōṅkiya tāḻ kaṇ acumpil,
• [AN_8-10] paṭu kaṭum^ kaḷiṟṟiṉ varuttam coliya,
• [AN_8-11] piṭi paṭi muṟukkiya peru mara+ pūcal
• [AN_8-12] viṇ tōy viṭar akattu iyampum avar nāṭṭu,
• [AN_8-13] eṇ arum piṟaṅkal māṉ atar mayaṅkātu,
• [AN_8-14] miṉṉu viṭa+ ciṟiya otuṅki, meṉmela,
• [AN_8-15] tuḷi talai+ talai_iya maṇi ēr aimpāl
• [AN_8-16] ciṟu-puṟam putaiya vāri, kural piḻiyūu,
• [AN_8-17] neṟi keṭa vilaṅkiya, nīyir, i+ curam,
• [AN_8-18] aṟital -um aṟitir -ō?' eṉṉunar+ peṟiṉ -ē.