AKAM

• [AN_294-1] maṅkul mā maḻai viṇ atirpu muḻaṅki
• [AN_294-2] tuḷḷu peyal kaḻinta piṉṟai pukai uṟa
• [AN_294-3] puḷḷi nuṇ tuvalai pū akam niṟaiya
• [AN_294-4] kātalar pirinta kaiyaṟu makaḷir
• [AN_294-5] nīr vār kaṇṇiṉ karuviḷai malara
• [AN_294-6] tuy talai pūviṉ putal ivar īṅkai
• [AN_294-7] ney tōyntaṉṉa nīr naṉai am taḷir
• [AN_294-8] iru vakir īruḷiṉ īriya tuyalvara
• [AN_294-9] avarai paim pū payila akal vayal
• [AN_294-10] katir vār kāy nel kaṭku iṉitu iṟaiñca
• [AN_294-11] citar ciṉai tūṅkum aṟcira araināḷ
• [AN_294-12] kāy ciṉa vēntaṉ pācaṟai nīṭi
• [AN_294-13] nam nōy aṟiyā aṟaṉ ilāḷar
• [AN_294-14] i nilai kaḷaiya varukuvar kol eṉa
• [AN_294-15] āṉātu eṟitarum vāṭaiyoṭu
• [AN_294-16] nōṉēṉ tōḻi eṉ taṉimaiyāṉ ē