AKAM

• [AN_244-1] pacai paṭu paccai ney tōyttaṉṉa
• [AN_244-2] cēy uyar ciṉaiya mā ciṟai paṟavai
• [AN_244-3] pakal uṟai mutu maram pulampa pōki
• [AN_244-4] mukai vāy tiṟanta nakai vāy mullai
• [AN_244-5] kaṭimakaḷ katuppiṉ nāṟi koṭi micai
• [AN_244-6] vaṇṭu iṉam tavirkkum taṇ pata kālai
• [AN_244-7] variṉum vārār āyiṉum āṇṭu avarkku
• [AN_244-8] iṉitu kol vāḻi tōḻi eṉa taṉ
• [AN_244-9] pal itaḻ maḻai kaṇ nal akam civappa
• [AN_244-10] arum tuyar uṭaiyaḷ ivaḷ eṉa virumpi
• [AN_244-11] pāṇaṉ vantaṉaṉ tūtu ē nī um
• [AN_244-12] pul ār puravi val viraintu pūṭṭi
• [AN_244-13] neṭum tēr ūrmati valava
• [AN_244-14] muṭintaṉṟu amma nām muṉṉiya viṉai ē