AKAM

• [AN_141-1] amma vāḻi tōḻi kaimmika
• [AN_141-2] kaṉavu um kaṅkul tōṟu iṉiya naṉavu um
• [AN_141-3] puṉai viṉai nal il puḷ um pāṅkiṉa
• [AN_141-4] neñcu um naṉi pukaṉṟu uṟaiyum eñcātu
• [AN_141-5] ulaku toḻil ulantu nāñcil tuñci
• [AN_141-6] maḻai kāl nīṅkiya māka vicumpil
• [AN_141-7] kuṟu muyal maṟu niṟam kiḷara mati niṟaintu
• [AN_141-8] aṟu mīṉ cērum akal iruḷ naṭunāḷ
• [AN_141-9] maṟuku viḷakkuṟuttu mālai tūkki
• [AN_141-10] paḻa viṟal mūtūr palar uṭaṉ tuvaṉṟiya
• [AN_141-11] viḻavu uṭaṉ ayara varuka til amma
• [AN_141-12] tuvara pularntu tū malar kañali
• [AN_141-13] takaram nāṟum taṇ naṟum katuppiṉ
• [AN_141-14] putu maṇa makaṭūu ayiṉiya kaṭi nakar
• [AN_141-15] pal kōṭṭu aṭuppil pāl ulai irīi
• [AN_141-16] kūḻai kūntal kuṟum toṭi makaḷir
• [AN_141-17] perum cey nelliṉ vāṅku katir muṟittu
• [AN_141-18] pācu aval iṭikkum irum kāḻ ulakkai
• [AN_141-19] kaṭitu iṭi verīiya kamam cūl veḷ kuruku
• [AN_141-20] tīm kulai vāḻai ōṅku maṭal irātu
• [AN_141-21] neṭum kāl mā_attu kuṟum paṟai payiṟṟum
• [AN_141-22] cel kuṭi niṟutta perum peyar karikāl
• [AN_141-23] vel pōr cōḻaṉ iṭaiyāṟu aṉṉa
• [AN_141-24] nal icai veṟukkai tarumār pal poṟi
• [AN_141-25] puli kēḻ uṟṟa pū iṭai perum ciṉai
• [AN_141-26] naranta naṟum pū nāḷ malar utira
• [AN_141-27] kalai pāyntu ukaḷum kal cēr vēṅkai
• [AN_141-28] tēm kamaḻ neṭu varai piṟaṅkiya
• [AN_141-29] vēṅkaṭa vaippiṉ curaṉ iṟantōr ē