AKAM

• [AN_55-1] kāyntu celal kaṉali kal paka teṟutaliṉ
• [AN_55-2] īntu kuruku urukum eṉṟūḻ nīḷ iṭai
• [AN_55-3] uḷi muka ve paral aṭi varuttuṟāliṉ
• [AN_55-4] viḷi muṟai aṟiyā vēy kari kāṉam
• [AN_55-5] vaya kaḷiṟṟu aṉṉa kāḷaiyoṭu eṉ makaḷ
• [AN_55-6] kaḻintataṟku aḻintaṉṟu ō ilaṉ ē oḻintu yām
• [AN_55-7] ūtu ulai kurukiṉ uḷ uyirttu acai_i
• [AN_55-8] vēvatu pōlum veyya neñcamoṭu
• [AN_55-9] kaṇpaṭai peṟēṉ kaṉava oḷ paṭai
• [AN_55-10] karikāl vaḷavaṉoṭu veṇṇi paṟantalai
• [AN_55-11] porutu puṇ nāṇiya cēralātaṉ
• [AN_55-12] aḻi kaḷa maruṅkiṉ vāḷ vaṭakkirunteṉa
• [AN_55-13] iṉṉā iṉ urai kēṭṭa cāṉṟōr
• [AN_55-14] arum peṟal ulakattu avaṉoṭu celīiyar
• [AN_55-15] perumpiṟitu ākiyāṅku pirintu ivaṇ
• [AN_55-16] kātal vēṇṭi eṉ tuṟantu
• [AN_55-17] pōtal cellā eṉ uyiroṭu pulantu ē