AKAM 037

• [AN_37-1] maṟantu avaṇ amaiyār āyiṉum kaṟaṅku icai
• [AN_37-2] kaṅkul ōtai kali makiḻ uḻavar
• [AN_37-3] poṅkaḻi mukanta tā il nuṇ tukaḷ
• [AN_37-4] maṅkul vāṉiṉ mātiram maṟaippa
• [AN_37-5] vaiku pular viṭiyal vai peyarttu āṭṭi
• [AN_37-6] toḻil cerukku aṉantar vīṭa eḻil takai
• [AN_37-7] vaḷiyoṭu ciṉai_iya vaṇ taḷir mā_attu
• [AN_37-8] kiḷi pōl kāya kiḷai tuṇar vaṭittu
• [AN_37-9] puḷi pataṉ amaitta putu kuṭa malir niṟai
• [AN_37-10] veyil verin niṟutta payil itaḻ pacum kuṭai
• [AN_37-11] kayam maṇṭu pakaṭṭiṉ paruki kāṇvara
• [AN_37-12] koḷḷoṭu payaṟu pāl virai_i veḷḷi
• [AN_37-13] kōl varaintaṉṉa vāl aviḻ mitavai
• [AN_37-14] vāṅku kai taṭutta piṉṟai ōṅkiya
• [AN_37-15] paruti am kuppai cuṟṟi pakal cela
• [AN_37-16] marutamara niḻal erutoṭu vatiyum
• [AN_37-17] kāmar vēṉil maṉ itu
• [AN_37-18] māṇ nalam nukarum tuṇai uṭaiyōrkku ē