AKAM 022

• [AN_22-1] aṇaṅku* -uṭai neṭu varai ucciyiṉ iḻitarum
• [AN_22-2] kaṇam koḷ aruvi+ kāṉ keḻu nāṭaṉ
• [AN_22-3] maṇam kamaḻ viyal mārpu aṇaṅkiya cellal
• [AN_22-4] itu eṉa aṟiyā maṟuvaral+ poḻutil,
• [AN_22-5] `paṭiyōr+ tēytta pal pukaḻ+ taṭa+ kai
• [AN_22-6] neṭu vēḷ+ pēṇa+ taṇikuvaḷ ivaḷ' eṉa,
• [AN_22-7] mutu vāy+ peṇṭir atu vāy kūṟa,
• [AN_22-8] kaḷam naṉku iḻaittu, kaṇṇi cūṭṭi,
• [AN_22-9] vaḷa nakar cilampa+ pāṭi, pali koṭuttu,
• [AN_22-10] uruva+ centiṉai kurutiyoṭu tūuy,
• [AN_22-11] muruku āṟṟuppaṭutta uru keḻu naṭu-nāḷ,
• [AN_22-12] āram nāṟa, aru viṭar+ tatainta
• [AN_22-13] cāral+ pal pū vaṇṭu paṭa+ cūṭi,
• [AN_22-14] kaḷiṟṟu-irai terīiya pārval otukkiṉ
• [AN_22-15] oḷittu iyaṅkum marapiṉ vaya+ puli pōla,
• [AN_22-16] nal maṉai neṭu nakar+ kāvalar aṟiyāmai --
• [AN_22-17] taṉ nacai uḷḷattu nam nacai vāyppa,
• [AN_22-18] iṉ uyir kuḻaiya muyaṅku-toṟum mey+ malintu,
• [AN_22-19] nakkaṉeṉ alleṉ -ō yāṉ -ē --- eytta
• [AN_22-20] nōy taṇi kātalar vara, īṇṭu
• [AN_22-21] ētil vēlaṟku ulantamai kaṇṭu* -ē?